अनलाइन डबली
काठमाडौँ । सरकारविरुद्ध सेयर लगानीकर्ता सडकमा निस्किएका छन् । आइतबार शेयर लगानीकर्ता सिंहदरबारको दक्षिण गेटमा विरोध प्रदर्शन गरेका हुन् ।
सेयर बजार प्रभाव पार्ने गरी कामकारबाही गरेको भन्दै लगानीकर्ताहरूले सरकारविरुद्ध नाराबाजी गरेका थिए । सम्पत्ति शुद्धीकरणका नाममा लगानीकर्तालाई सरकारले हतोत्साहित गरेको भन्दै लगानीकर्ताले विरोध उत्रिनु परेको बताएका छन् ।
आज साताको पहिलो कारोबार दिन नेपाल स्टक एक्सचेन्ज (नेप्से) परिसूचकमा ठुलो पहिरो गएको छ । आज नेप्से परिसूचक १०५.५० अङ्कले घटेर २६७६.६८ विन्दुमा खुम्चिएको छ ।
सरकारले व्यवसायीमाथि सम्पत्ति शुद्धीकरणको मुद्दा चलाएपछि बजारमा नकारात्मक प्रभाव देखिएको हो ।
