धनन्जय बुढा
काठमाडौं । नेपाली कम्युनिस्ट पार्टीले जुम्ला जिल्ला अगुवा नेता–कार्यकर्ताहरुले प्रतिनिधी सभा सदस्यका उम्मेदवार नरेश भण्डारीलाई जिताउने प्रतिबद्धता व्यक्त गरेका छन् । आइतबार राजधानीको संवाद डबलीमा सुझाव संकलन कार्यक्रममा भण्डारीले जनयुद्ध र जुम्ली जनताका अधुरा सपना पुरा गर्ने प्रतिबद्धता जाहेर गरेका छन् ।
अधिकाशं नेता–कार्यकर्ताहरुले भण्डारीको जितलाई सुनिश्चित गर्न सबै नेता तथा कार्यकर्ताहरुले तत्काल अभियान चलाउनु पर्ने सुझाव दिएका छन् । विभिन्न पार्टीहरु समायोजन भएर नेपाली कम्युनिस्ट पार्टी बनेको र त्यसलाई एक ढिक्का बनाएर निर्वाचनमा होम्नु पर्ने सुझाव दिएका छन् । साथै उनिहरुले नरेश भणडारी जुम्लाका लागि मात्रै नभएर सिंगो कर्णालीको समृद्धिको लागि पनि पार्टीलाई एक ढिक्का बनाएर जिताउनु पर्ने सुझाव दिएका छन् ।
