अनलाइन डबली
काठमाडौँ । भेनेजुएलाका राष्ट्रपति निकोलस मदुरोलाई अमेरिकारले गिरफ्तारबाट जनवादी गणतन्त्र कोरियाका सर्वोच्च नेता किम जोङ उन आक्रोसित भएका छन् । उनले मादुरोलाई तुरुन्त रिहा गर्न चेतावनी समेत दिएका छन् ।
यसैबीच उनले आफ्नो गोप्य हतियार कारखानाको अवलोकन गरेका छन् । उनले अमेरिकासम्म मार हान्न सक्ने अपग्रेड गरिएका हतियारको अवलोकन गरिएका हुन् । उनले हालसम्मको रकेट लन्चर प्रणाली पुरानो भइसकेको बताउँदै सटिक निशाना लगाउन सक्ने ‘प्रिसिजन गाइडेड’ मिसाइलको विशाल भण्डार तयार गर्न निर्देशन समेत दिएको अन्तर्राष्ट्रिय संचारमाध्यमहरुले बताएका छन् ।
प्रलय ल्याउन सक्ने अत्याधुनिक हतियारहरूको उत्पादनलाई किमले रातारात साढे दुई गुणाले बढाउन आफ्ना इन्जिनियरहरूलाई ‘डेटलाइन’ नै तोकिदिएका छन् । निलो सुटमा लगाएर हतियार कारखाना पुगेका किमले प्रविधि अपग्रेडेड हतियारको अवलोकन गरिएको फोटोहरु सरकारी समाचार संस्था केसीएनएले सार्वजनिक गरेको छ ।
नयाँ हतियार बनाउन किमको निर्देशनसँगै अमेरिका र उसका सहयोगी देशहरुमा खलबली मच्चिएको छ । ‘हाम्रो ट्याक्टिकल गाइडेड हतियार प्रणाली संसारकै उत्कृष्ट हुनेछ । भविश्यमा यसले हाम्रो रकेट प्रणालीलाई पूर्णरूपमा प्रतिस्थापन गर्नेछ र यो हाम्रो सेनाको मुख्य शक्ति बन्नेछ’ किमले अवलोकन पछि भने ।
रक्षा मन्त्रालय र जनरल स्टाफको मागअनुसार हतियारको मौज्दात अपुग भएको भन्दै किमले उत्पादन दोब्बर बढी बनाउन निर्देशन दिएसँगै नयाँ युद्धको संकेत गरेको रक्षा विश्लेषकहरुले बताएका छन् । उनिहरुका अनुसार उत्तर कोरिया दीर्घकालीन युद्धका लागि तयार रहेको संकेत गरेको ठहर गरेका छन् ।
