अनलाइन डबली
काठमाडौं । शनिबार विहान खानेपानी मन्त्रालयमा भएको आगलागी बारे अध्ययनको काम भइरहेको छ । मन्त्रीकाे कार्यकक्ष रहेकाे तलमा लागेकाे आगलागीका बारेमा अनुसन्धान गर्नका लागि विल्डिङको विद्युतीय वायरिङ चेकजाँज गर्न विद्युत प्राधिकरणको प्राविधिक टिमलाई बोलाइएको छ ।
मन्त्री प्रदिप यादवको कार्यकक्ष भित्रको एउटा प्लगमा हिजोदेखि नै जलेको जस्तो गन्ध आइरहेको रहेछ, शंका लागेर खोलेर पनि हेरेकाे समेत बताइएकाे छ । सोही आधारमा इलेक्ट्रिक सर्ट भएको हो कि भन्ने प्राधिकरणको टाेलीले चेकजाँच गरिरहेकाे छ ।
प्रहरीका अनुसार मन्त्री प्रदीप यादवको कार्यकक्ष आगलागी कारण पूर्णरुपमा क्षति भएको बताए । तीनवटा कोठामा लागेको आगलागीको क्षतिको विवरण भने आइसकेको छैन । सीसी क्यामेरा हेरेर प्रहरीले आगलागीको कारणबारे अनुसन्धान थालेको छ ।
