अनलाइन डबली
सुर्खेत । सुर्खेत आउँदै गरेको फोर्स गाडी दुर्घटनामा ज्यान गुमाउनेको संख्या ४ पुगेको छ ।
शुक्रबार दैलेखबाट सुर्खेत आउँदै गरेको फोर्स गाडी दैलेख–सुर्खेत सीमा क्षेत्र नजिकै सुर्खेतको रातानाङ्लामा दुर्घटना भएको थियो ।
प्रहरीका अनुसार कर्णाली प्रदेश ००१ ख ९९८ नम्बरको गाडी शुक्रबार दिउँसो २ः२० बजे दुर्घटना भएको थियो । दुर्घटनामा परी गाडीमा सवार अन्य २६ यात्रु घाइते भएका छन् ।
गाडी सडकबाट करिब १०० मिटर तल खसेर दुर्घटना भएको प्रहरीले जनाएको छ । घाइतेहरुको दैलेख र सुर्खेतस्थित कर्णाली प्रादेशिक अस्पतालमा उपचार भइरहेको छ ।
