काठमाडौं । काठमाडौं-हेटौंडा जोड्ने कुलेखानी-सिस्नेरी सडक सञ्चालनमा आएको छ । दशैं अघि आएको बाढी-पहिरोबाट अवरुद्ध भएको हेटौंडा जोड्ने काठमाडौं- कुलेखानी–फाखेल–सिस्नेरी सडकमा दुईतर्फी नै यातायात सञ्चालनमा आएको छ ।

मकवानपुरको इन्द्रस्वरोवर गाउँपालिका–२ सिमखोलास्थित सडकमा ह्युमपाइप राखेर मर्मतसम्भार गरेर सडक दुईतर्फी संचालनमा आएको हो । सडक अस्थायी रुपमा संचालनमा आएसँगै काठमाडौं-हेटौडा जाने यात्रुहरुलाई केही राहत मिलेको छ ।

क्षतिग्रस्त सडक असोज २० गतेदेखि एकतर्फी रुपमा सडकमा यातायात सञ्चालन भएको थियो । ह्युमपाइप राखेसँगै दुईतर्फी यातायात संचालनमा आएको छ ।