अनलाइन डबली
काठमाडौं । सरकारले तिहारको मुखमा पेट्रोलियम पदार्थको मूल्य बढाएको छ । गएराति १२ बजेबाट लागू हुने गरी नेपाल आयल निगमले पेट्रोल र डिजेलको मूल्य बढाएको हो।
निगमले पेट्रोलमा १ रुपैयाँ बढाएको छ। यस्तै, डिजेल र मट्टितेलमा ४ रुपैयाँ बढाइएको छ। खाना पकाउने र हवाइ इन्धनको मूल्य भने अहिलेलाई यथावत राखिएको छ ।
नयाँ मूल्य सूची अनुसार चारआली, विराटनगर, जनकपुर, अमलेखगञ्ज, नेपालगञ्ज, भलवारी, धनगढी र वीरगञ्चमा पेट्रोलको मूल्य प्रतिलिटर १५६.५० रुपैयाँ भएको छ। यस्तै, डिजेल र मट्टितेलको १४८.५० रुपैयाँ भएको छ।
यस्तै, सुर्खेत र दाङमा पेट्रोलको मूल्य प्रतिलिटर १५८ रुपैयाँ र डिजेल र मट्टितेलको मूल्य १५० रुपैयाँ हुने भएको छ।
काठमाडौं, पोखरा र दिपालयमा भने पेट्रोलको मूल्य १५९ रुपैयाँ हुने भएको छ। डिजेल र मट्टितेलको मूल्य १५१ रुपैयाँ हुने भएको छ।
पेट्रोल, डिजेल र मट्टितेलको मूल्य बढेसँगै तिहारको मुखमा महंगी बढ्न सक्ने बताइएको छ ।
