काठमाडौं । सडक डिभिजन काठमाडौंले काठमाडौ महानगरपालिकालाई न्यूरोडमा भत्काइएको सडक पुनःस्थापना नगरे कारवाही गर्ने चेतावनी दिएको  छ । महानगरले शनिबार न्यूरोडस्थित जुद्ध शालिक इन्द्रचोक सडकखण्डमा सडक काटेर फुटपाथ बढाउन सडक भत्काए  पछी सडक डिभिजनले महानगरपालिकालाई बुधबार पत्र लेख्दै सडक दुई दिनभित्र पुनःस्थापना गर्न र नगरे कारबाही गर्ने चेतावनी दिएको हो ।

सडक साँघुरो बनाउने महानगरको कार्य उचित नभएको भन्दै महानगरको यस कार्यको बिरोधमा स्थानीय बासीले सडकमा प्रदर्शन गर्दै आएका छन् ।उनीहरूले   ‘ ऐतिहासिक सहर भत्काउनु पाइदैन  ’,  ‘न्युरोड साँघुरो गर्न मिल्दैन’, ‘नयाँ सडक बचाउ’ भन्दै कालो ब्यानरसहित महानगरविरुद्ध नारबाजी गर्दै  आएका छन् ।

यस अगाडिको सम्बन्धित् समाचार – 

नयाँ सडक (न्युरोड) क्षेत्रका सडक साँघुरो गर्ने महानगरको निर्णयको बिरोधमा स्थानि बासीले गरे प्रदर्शन