अनलाइन डबली
काठमाडौँ । प्रधानमन्त्री प्रचण्डले नेपाली काँग्रेसले आफूलाई विश्वासको मत लिन रोक्ने कार्यको चर्को मूल्य चुकाउनुपर्ने बताएका छन् ।
आफूले काँग्रेसलाई संवादको वातावरण बनाइराखेको जानकारी गराउँदै प्रचण्डले उल्टै विश्वासको मत लिन रोकेर इतिहासमा कलंक लाग्ने कार्य गरेको बताए ।
“संसदबाट विश्वासको मत लिन रोक्न नाराबाजी गरेर नेपाली इतिहासमा कलंक लाग्ने कार्य गरेको छ । यसको इतिहासमा चर्को मूल्य चुकाउनुपर्नेछ” प्रधानमन्त्रीले भने । उनले आफूले विगतदेखि नै काँग्रेसलाई संवादमा ल्याउन वातावरण बनाइरहँदा पनि विश्वासको मत लिन रोक्नु गलत भएको बताए ।
