काठमाडौँ । भारतको राजधानी दिल्लीका मुख्यमन्त्री अरविन्द्र केजरीवालले अब चुनाव प्रचार गर्न पाउने भएका छन् । सर्वोच्च अदालतले जमानतमा रिहा गर्न आदेश दिएपछि अब केजरीवालले चुनावमा खट्न पाउने भएका छन् ।

सर्वोच्च अदालतले मनी लान्ड्रिङ मुद्दामा केजरीवाललाई १ जुनसम्म अन्तरिम जमानत दिएको भारतीय मिडियाहरुले उल्लेख गरेका छन् । न्यायमूर्ति सञ्जीव खन्नाको नेतृत्वमा रहेको इजलासले केजरीवाललाई जमानत दिएको हो ।

उनलाई दिल्लीको मदिरा नीतिमा अनियमितता गरेको आरोपमा गत मार्च २१ मा पक्राउ गरिएको थियो ।