काठमाडौं । नेकपा (माओवादी केन्द्र) को स्थायी समिति बैठकमा पार्टी रुपान्तरणको  बहसलाई गम्भीर रुपमा भएको छ । पेरिसडाँडास्थित पार्टी कार्यालयमा शनिबार सम्पन्न बैठकपछि प्रवक्ता अग्नि सापकोटाले समितिको बैठक लक्ष्य र उद्देश्यमा सफल भएको बताएका छन् ।

उनले भने ‘बैठक जुन लक्ष्य र उद्देश्य राखेर बसेको थियो, त्यो सफल भयो । सबैले हिजो र आजमा आफ्ना स्पष्ट कुराहरु राख्नु भयो ।’ उनका अनुसार शनिबारको बैठक समाजवादको मार्गचित्र, रुपरेखा, विचारधारा निर्माण गर्ने विषयमा बढी केन्द्रीत भएको जानकारी उनले दिए ।

‘आजको बैठक विधानमा नै केन्द्रीत भएको थियो भने हिजो भने पार्टी अध्यक्ष प्रचण्डले विशेष जोड दिनुभएको आर्थिक सम्बन्धमा योजना निर्माणमा, बजेट निर्माणमा उहाँकै शब्दमा ¥याडिकल रिफर्म गरिने छ । एउटा क्रान्तिकारी सुधार गरिने छ, भ्रष्टाचारविरुद्धको अभियान र सुशासन कायम गर्ने कुरामा पार्टी दृढता पूर्वक अगाडि बढ्छ,’ उनले भने ।

बैठकमा जनवादको धेरै राम्रो अभ्यास पनि भएको छ उनले बताए ।