अनलाइन डबली
अछाम । जिल्लाको जिल्ला पन्चदेवल बिनायक नगरपालिका–५ लयाटी निवासी सव–इन्जिनियर रमिता रावलको निधन भएको छ ।
केही समयदेखि क्यान्सर रोगसँग लडिरहेकी रमिताको उपचारको क्रममा नेपालगंज मेडिकल कलेजमा निधन भएको हो ।
इन्जिनियर बनेर देशको सेवा गर्ने सानैबाट अठोट लिएकी रमिताको सपना अधुरै रहेको छ । निजामति सेवा प्रदेश गरेर बाँकेका स्थानीय तहमा कार्यरत रमिताको ललितपुर हरिसिद्धीस्थित क्यान्सर अस्पतालमा उपचार गर्दा पनि सन्चो हुन सकेको थिएन ।
परिवारका उनुसार रमिताको शव आजै नेपालगंजबाट अछामको पन्चदेवल बिनायक नगरपालिका–५ लयाटीस्थित घर लगिएको छ । भोलि अन्त्येष्टी गर्ने तयारी भइरहेको छ ।
२७ बर्षीय रमिता पढाईमा निकै लगनशील भएको परिवारले जनाएका छन् । रमिताको निधनले गाउँ नै शोकमा डुबेको छ ।
