अनलाइन डबली
काठमाडौं । इजरायलले गाजामा हमला सुरु गरेको आज एकसय दिन पुगेको छ । सय दिन पुगेको अबसरमा अमेरिका, बेलायतसहित विश्वभर गाजामा युद्ध रोक्न माग गर्दै प्रदर्शन भइरहेको छ ।
इजरायल–हमास युद्धको ९९ औं दिनमा एकताको प्रदर्शनमा वाशिंगटनमा हजारौंले प्यालेस्टिनी झण्डा फहराएको थियो ।
प्यालेस्टाइनका हजारौं समर्थकले विश्वव्यापी प्रदर्शन गरेका छन् । अमेरिकाको वाशिंगटन, बेलायतको लन्डनसहित विश्वव्यापीरुपमा विरोध प्रदर्शन भइरहेको छ ।
अमेरिकाको सहयोगमा इजरायलले गाजा क्षेत्रमा जारी राखेको हमलाको विरोधमा विश्वभर विरोध प्रदर्शन भइरहेको हो । प्रदर्शनकारीहरूले गाजा युद्धमा तत्काल युद्धविरामको माग गरेका छन् ।
प्यालेस्टाइनहरूले इजरायललाई अमेरिकी र बेलायतले गरेको समर्थनको पनि विरोधका थिए । प्रदर्शनकारीहरूले अब युद्धविराम गर्नु पर्ने र फ्री प्यालेस्टाइन र गाजामा युद्ध अन्त्य गर्न अनुरोध गरिएको ब्यानर र पोस्टर बोकेका थिए ।
गाजामा मारिएका वा घाइते भएका साथीहरू र आफन्तहरूको फोटो प्रदर्शन गर्दै उनीहरूले अमेरिकी राष्ट्रपति जो बाइडेनलाई इजरायललाई दिँदै आएको सैन्य र आर्थिक सहायता बन्द गर्न आग्रह गरे थिए । उता, लण्डनमा भएको विरोध प्रदर्शनमा सुरक्षा व्यवस्था मजबुत बनाउन १,७०० प्रहरी ड्युटीमामा खटाइएको थियो ।
इजरायलले अहिले पनि गाजामा बम प्रहारलाई जारी राखेको छ । गाजाको स्वास्थ्य मन्त्रालयको पछिल्लो तथ्याङ्क अनुसार कम्तिमा २३,८४३ व्यक्तिको मृत्यु भएको छ । जसमा अधिकांश महिला र बालबालिका छन् ।
मानव अधिकारको गम्भीर उलंघन गर्दै इजरायलले हमला जारी राखेपछि विश्वभर विरोध भइरहेको छ । संयुक्त राष्ट्रसंघले गरेको अपीललाई समेत लत्याएपछि इजरायले नांगिँदै गएको बताइएको छ ।
