अनलाइन डबली
काठमाडौं । संयुक्त राष्ट्रसंघका महासचिव एन्टोनियो गुटेरेसले आज लुम्बिनीको भ्रमणमा गर्न लागेका छन् । गुटेरेस अन्नपूर्ण बेसक्याम्पबाट लुम्बिनी आउन भएका छन् ।
लुम्बिनी विकास कोषका अनुसार पूर्वनिर्धारित समय तालिकाअनुसार बिहान पौने ९ बजे गुटेरेस आउने बताइए पनि बेसक्याम्पमा भएको ढिलाइले केही समय लाग्ने भएको छ ।
महासचिव गुटेरेसलाई स्वागत गर्न प्रधानमन्त्री प्रचण्ड लुम्बिनी पुगिसकेका छन् । कोषले गुटेरेसको स्वागतसहित अवलोकन गराउने कार्यक्रम बनाएाको छ ।
चारदिने पचारिक नेपाल भ्रमणमा आएका गुटेरेस पोखराबाट भैरहवास्थित गौतमबुद्ध अन्तर्राष्ट्रिय विमानस्थल आउने र त्यहाँबाट हेलिकोप्टरमा लुम्बिनी आउने कार्यक्रम रहेको छ ।
मायादेवी मन्दिर, बुद्धजन्म स्मारक, पुष्पकरणी पोखरी, अशोक स्तम्भहरुको निरीक्षणपछि मायादेवी मन्दिर र अशोक स्तम्भ परिसरकै पिपलको रुखमुनि गुटेरेसलाई स्वागत गर्ने कार्यक्रम राखिएको छ ।
स्वागतको लागि प्रधानमन्त्रीसँगै संस्कृति पर्यटन तथा नागरिक उड्ड्यनमन्त्री सुदन किराती, राज्यमन्त्री शुसिला श्रीपाइली र लुम्बिनी प्रदेशका मुख्यमन्त्री डिल्लीबहादुर चौधरी, लुम्बिनी विकास कोषका पदाधिकारी तयारीमा बसेका छन् । ले स्वागत गर्ने कार्यक्रम छ ।
महासचिव गुटेरेस लुम्बिनीबाट काठमाडौं फर्केर आजै संघीय संसदका दुबै सदनलाई सम्बोधन गर्ने कार्यक्रम रहेको छ ।
