काठमाडौं । आइतबार भएको दुर्घटनाको उद्दार हुन नपाउँदै पाल्पामा फेरि अर्को सडक दुर्घटना भएको छ । आज विहानै पाल्पाको रम्भा–४ रानीवन नजिकै भ्यान दुर्घटना हुँदा पाँच जना घाइते भएका छन्।

प्रहरीका अनुसार आर्यभाङ्ज्याङ्रा–मपुर सडक खण्ड हुँदै वीर कोट जाँदै गरेको लु १ ज ३९८३ नम्बरको भ्यान बिहान ५ बजेतिर दुर्घटनामा परेको थियो ।

दुर्घटनामा परी रम्भा–४, रमाईडाँडा बस्ने वर्ष २३ का कृष्ण सारू, सोही स्थानका २७ वर्षका नरेन्द्र दर्लामी, २२ वर्षका दिलबहादुर कवरमगर, १९ वर्षका मोहनसिंह दर्लामी र १८ वर्षका सुरेश सारू घाइते भएका छन्।

घाइतेमध्ये चार जनाको अवस्था गम्भीर रहेको छ भने एक जनाको अवस्था सामान्य रहेको प्रहरीले जनाएको छ।

घाइतेहरुकाे तानसेनस्थित मिसन अस्पतालमा उपचार भइरहेको छ।

हिजो साँझ नै पाल्पामै भएको दुर्घटनामा एकै परिवारका ६ जनाको मृत्यु भएको थियो ।