अनलाइन डबलीदशैको समयमा घर फर्कनेहरुबाट बढी भाडा असुल गरेपछि काठमाडौंको विभिन्न ठाउँबाट पाँच जना पक्राउ परेका छन् । जिल्ला प्रहरी परिसर कार्यलय काठमाडौंले बल्खु र कोटेश्वरबाट पाँच जना पक्राउ गरेको जनाएको छ ।
प्रहरीले उनीहरुलाई सर्वसाधारणबाट बढी भाडा असुल गरेको, भिडभाडमा मानिसहरुलाई अनावश्यक दुख दिएको र नक्कटी टिकट बनाएर ठगी गरेको पाइएपछि पक्राउ गरेको जानकारी दिएको छ ।
पक्राउ पर्नेमा मकवानपुर जिल्ला हेटौंडा स्थायी घर भएका सन्देश श्रेष्ठले यात्रुबाट बढी भाडा असुल गरेको पाइएपछि पक्राउ गरेको प्रहरीले जानकारी दिएको छ ।
काठमाडौंका रोहित लामाले पनि यात्रुबाट बढी भाडा असुल गरेको पाइएपछि पक्राउ गरेको छ ।
नक्कली टिक बनाएर यात्रुलाई ठगेपछि महोत्तरी बर्दिबासका अनिल बुढाथोकी , काठमाडौंका राजकुमार डंगोल र कोटेश्वरका कमल सार्कीलाई प्रहरीले आज पक्राउ गरेको बताएको छ ।
प्रहरीले बढी भाडा असुल गर्ने ,नक्कली टिकट बेच्ने, यात्रुलाई दुःख दिने र ठगी नियन्त्रण गर्न काठमाडौंमा प्रहरी टोली परिचालन गरेको छ । उक्त टोलीले आज पाँच जनालाई पक्राउ गरेको छ ।
