काठमाडौँ । शनिबार विहान मनाङ एयरको हेलिकप्टर सोलुखुम्बुको लोबुचेमा दुर्घटना भएको छ ।

लुक्लाबाट बिहान ७ बजेर १३ मिनेटमा सोलुखुम्बुमा पर्यटक लिन गएको मनाङ एयरको ९ एन-एएनजे कलसाइनको हेलिकप्टर अवतरण गर्ने बेला दुर्घटनामा भएको नागरिक उड्डयन प्राधिकरणले जनाएको छ ।

दुर्घटनापछि जहाजमा आगलागी भएको छ । लुक्लामै रहेको हेलिकोप्टरमा पाइलट मात्रै सवार थिए । दुर्घटनामा घाइते भएका पाइलट प्रकाशकुमार सेढाईंलाई फिस्टेल एयरको हेलिकप्टरमा उपचारका लागि काठमाडौं ल्याइँदै छ ।

दुर्घटनाको कारण खुल्न सकेको छैन ।