अनलाइन डबली
काठमाडौं । कालो मोसो दल्ने युवा समूह बनाएर चर्चामा आएका व्यवसायी दुर्गा प्रसाईँलाई कालोमोसो दलिएको छ ।
सोमबार कान्तीपथस्थित होटल एलो प्यागोडामा पत्रकार सम्मेलनको क्रममा उनीमाथि केही युवाहरुले कालो मोसो दलेका हुन् ।
दुर्गा प्रसाईलाई युवाहरुले कालो मोसो दलेर नांगै बनाएर सडकमा ल्याएका छन् ।
धर्म, संस्कृति, राष्ट्र, राष्ट्रियता र नागरिक अभियानको संयोजक रहेका प्रसाईँले बैंक तथा वित्तीय संस्थाका प्रमुखहरुलाई कालोमोसो दल्ने भनेर धम्की दिँदै आएका थिए । तर, युवाहरुले उल्टै उनलाई कालो मोसो दलेका छन् ।
गत फागुन १३ गते चितवनमा कालोमोसो दस्ताको केन्द्रीय संयोजकको रूपमा शम्भु थापालाई घोषणा गरेका थिए ।
