काठमाडौँ । प्रधानमन्त्री प्रचण्डले इन्जिनियरिङ अध्ययनको लागि वृद्धि गरिएको शूल्क खारेज गर्न निर्देशन दिएका छन् । प्रधानमन्त्री शुक्रबार इन्जिनियरिङ अध्ययन संस्थान डिन कार्यालयले बढाएको शूल्क तत्काल लागु नगर्न त्रिभुवन विश्वविद्यालयलाई निर्देशन दिएका हुन् ।

आईओईले इन्जिनियरिङ अध्ययनको लागि शूल्क बढाएको थियो । त्यसको विरुद्धमा विद्यार्थी आन्दोलनको घोषणा गरेका थिए । समाजवादी मोर्चा निकट चारवटा विद्यार्थी संगठनहरुले संवाद डबलीमा पत्रकार सम्मेलनको आयोजना गरेर आज साँझसम्मको अल्टिमेटम दिएका थिए ।
विद्यार्थीहरुले विहानैबाट आईओईमा प्रदर्शन गरिरहेका थिए । विद्यार्थीहरुले विरोध जनाएको खबर पाउनसाथ प्रधानमन्त्रीले त्रिविलाई शूल्कवृद्धि खारेज गर्न निर्देशन दिएको बताइएको छ ।