काठमाडौं । नक्कली शैक्षिक प्रमाणपत्र प्रकरणमा थप चार जना डाक्टर पक्राउ परेका छन् । नेपाल प्रहरीको केन्द्रीय अनुसन्धान ब्युरो (सीआईबी) ले डा. रामबाबु यादव, डा. रञ्जित यादव, डा. एलिना साह र डा. अमित चौधरीलाई पक्राउ गरेको हो ।
यसअघि सिआईबीले नेपाली काँग्रेसका सांसद समेत रहेका डा. सुनील शर्मालाई गल्फुटारबाट पक्राउ गरेको थियो । नक्कली शैक्षिक प्रमाणपत्र प्रकरणमा पक्राउ पर्नेकाे सङ्ख्या पाँच जना पुगेकाे छ । अहिले पनि सीआईबीले थपको अनुसन्धान गरिरहेको छ ।
नेपाल मेडिकल काउन्सिलमा दर्ता भएको तथा काउन्सिलद्वारा सञ्चालन गर्ने दर्ता प्रमाणपत्र परीक्षामा सहभागी भएको पाइएकाले आवश्यक अनुसन्धान गरी पाउँ भनेर काउन्सिलले भनेपछि प्रहरीले अपरेशन चलाएको थियो । काउन्सिलले सूचना दिएका सबैको शैक्षिक प्रमाणपत्र किर्तेमा अनुसन्धान भइरहेको प्रहरीले जनाएको छ ।