आज :

थुलुङ दुधकोशी गाउँपालिकाद्वारा एम्बुलेन्स सेवा सुरु, सुत्केरी र जेष्ठ नागरिकलाई निःशुल्क सेवा

  • अनलाइन डबली

सोलुखुम्बु । थुलुङ दुधकोशी गाउँपालिकामा एम्बुलेन्स सञ्चालनमा आएको छ । स्थानीय नागरिकबाट सहयोग संकलन गरि दुधकोशी सामुदायिक अस्पताल निर्माण गरेको गाउँपालिकाले यहि महिना देखि एम्बुलेन्स सेवा समेत सञ्चालनमा ल्याएको हो ।

मुक्लीमा सञ्चालित अस्पतालमा एमडीजीपी डक्टरको समेत यहि महिना नियुक्ती गरेको पालिकाले जिल्लामै उत्कृष्ट स्वास्थ्य सेवा दिने नीति लिएको गाउँपालिका प्रवक्ता भोजराज कार्कीले बताए । जिल्लाका नागरिक सामान्य उपचारको लागि जिल्ला बाहिर जानुपर्ने बाध्यताको अन्त्य गर्नको लागि पुर्वाधार, उपकरण र चिकित्सकको व्यवस्था गरिएको पालिकाले जनाएको छ ।

गाउँपालिकाका प्रवक्ता कार्कीका अनुसार अबदेखि गाउँपालिकाका मातहतमा ल्याइ उक्त अस्पताल सञ्चालन गर्ने गरी कार्यपालिकाबाट निर्णय समेत गरिएको छ ।

सुत्केरी र जेष्ठ नागरिकलाई निःशुल्क सेवा

गाउँपालिकाले सञ्चालन गरेको एम्बुलेन्समार्फत सुत्केरी महिलाले निःशुल्क सेवा प्राप्त गर्ने भएका छन् । गाउँपालिकाको नीति तथा कार्यक्रम अनुसार सुत्केरी र जटिल अवस्थाका गर्भवति महिला, ८० वर्ष माथिका जेष्ठ नागरिक र पुर्ण अपाङ्गता भएकाहरुलाई निशुल्क सेवा दिइनेछ ।

एम्बुलेन्स सञ्चालमा आएसँगै यहाँका नागरिकले सहजताको महशुस गरेका छन् । यस अघि महङ्गो भाडा तिरेर अन्य गाडी रिजर्व गर्नुपर्ने बाध्यताको अन्त्य भएको स्थानीवासीको प्रतिक्रिया छ ।

नागरिकको हितमा काम गर्नु सरकारको दायित्व भएकाले सोही अनुसार नीति निर्माण गरि काम गरिरहेको पालिका अध्यक्ष असिम राईले बताए । उनले जुनसुकै क्षेत्रको निर्णय गर्दा आफ्ना नागरिकलाई केन्द्रमा राखेर गरिएको  बताए ।

थुलुङ दुधकोशी गाउँपालिका अन्तरगत मुक्ली स्वास्थ्य चौकीद्धारा सञ्चालित एम्बुलेन्सले दुइ जना सुत्केरी महिलालाई सेवा समेत दिइसकेको प्रवक्ता कार्कीले जानकारी दिए ।

सेवा लिन आवश्यक परेको अवस्थामा चालक कृष्णबहादुर बस्नेत ९८६३९५१४२० वा दुधकोशी सामुदायिक अस्पतालमा सम्पर्क गर्न सकिने पालिकाले जनाएको छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टिम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal