काठमाडौं । नयाँ बानेश्वरस्थित युनिग्लोब कलेजले १ दिने स्वास्थ्य शिविर संचालन गरेको छ । युनिग्लोब सेन्टर फर सोसल प्रोग्रामले शुक्रबार कलेज प्राङ्गणमा रक्तदानसहित ७ वटा शिविर संचालन गरिएको प्रोग्रामका उपाध्यक्ष आशिष कुशवाहले जानकारी दिए ।
तीन वर्षदेखि निरन्तर भइरहेको सो शिविरमा यस बर्ष उल्लेख्य विद्यार्थीहरुको सहभागिता रहेको छ । विहान ८ बजेबाट सुरु भएको सो शिविरमा झण्डै ३ सय जतिले रक्तदान गरेको र स्वास्थ्य शिविर गरी ८ सय जतिले स्वास्थ्य चेकजाँच गरेको कुशवाहले बताए ।
शिविरमा आँखा, स्किन केयर, डेन्टल, फिजियोथेरापी, मनोवैज्ञानिक परामर्श र जनरल चेकअप गरिएका थियो ।
किसिमको कर्यक्रमले विद्यार्थी तथा अभिभावकमा स्वास्थ्य परीक्षणमा जनचेतानको बढावा हुने तथा व्यवसायीक जीवनमा पनि सकारात्मक प्रभाव पर्ने सो कार्यक्रमका कार्यकारी सदस्य तथा बीबीए तेस्रो सेमेस्टरमा अध्ययनरत रोहन दासको विश्वास छ ।
स्वास्थ्य शिविरलाई कलेजका कार्यकारी निर्देशक डा.गंगाधर दाहाल, एमबीए कार्यक्रम निर्देशक दिवाकर विष्ट, फाइनान्स प्रमुख मिनबहादुर विष्ट, विभागिय प्रमुख मोहन दाहाल र बीबीएबीआई कार्यक्रम संयोजक प्रणय श्रेष्ठलगायतले संयुक्तरुपमा रक्तदान गरेर उद्घाटन गरेका थिए ।
