अनलाइन डबली
भाद्र ९, काठमाडौं । काठमाडौंमाहानगर पालिकाका मेयर बालेन शाहले ब्याबसाय गर्न बनेका संरचना र बेसमेन्ट अबैध भनि भत्काउन थालेपछि व्यवसायीहरूको छाता संगठन उद्योग वाणिज्य संघले यसको बिरोध गर्दै क्षति पूर्ति माग गरेको छ ।
वाणिज्य संघ काठमाडौंमा आज बिहिबार बसेको आकस्मिक बैठकले काठमाडौं महानगरसँग क्षतिपूर्ति माग गर्ने निर्णय गरेको हो । संघका अध्यक्ष दिनेश श्रेष्ठले कर तिरेका व्यवसायीलाई महानगरले आतंकित गरेको आरोप लगाए ।
पिडित ब्यबसायीहरुले महानगरले ३५ दिने सूचना जारी गरेको भएपनि व्यक्तिलाई जानकारी नदिएको जिकिर छ ।
नयाँ बानेश्वरबाट सुरु गरिएको यो अभियान अन्तर्गत मेयर शाह सहितको टोलीले बुधबार सुन्धारा स्थित काठमाडौं मल, खिचापोखरी रणमुक्तेश्वरमा रहेको आर .बि कम्प्लेक्समा निर्माण गरिएको संरचना भत्काएका थिए ।
ब्यबसायीले भने मेयर साहको यो गतिविधिलाइ शक्तिको दुरुपयोग गरेको आरोप लगाएका छन् ।
