अनलाइन डबली
काठमाडौँ । कोरोना भाइरस संक्रमणबाट नेपालमा ज्यान गुमाउनेको संख्या ११ हजार ९८६ पुगेको छ । स्वास्थ्य तथा जनसंख्या मन्त्रालयका अनुसार शनिबार थप दुई जनाको ज्यान गएसँगै यो संख्या पुगेको हो ।
मन्त्रालयका अनुसार पछिल्लो २४ घण्टामा थप २६३ जनामा कोरोनाभाइरसको सङ्क्रमण पुष्टि भएको छ । कुल ३ हजार १६५ जनाको परीक्षण गर्दा पीसीआर विधिबाट १६२ जना र एन्टिजेन विधिबाट १०१ जनामा सङ्क्रमण पुष्टि भएको हो ।
पछिल्लो २४ घण्टामा थप ५०१ जना सङ्क्रमणमुक्त पनि भएको मन्त्रालयले जानकारी दिएको छ । अहिले देशभर ५ हजार ४३४ जना सक्रिय सङ्क्रमित रहेका छन् । देशभर थप १ लाख २७ हजार ३२१ जनाले कोरोनाविरुद्धको खोप पनि लगाएका छन् ।
