अनलाइन डबली
अछाम । जिल्लाको रामारोशन गाउँपालिकामा नेकपा (माओवादी केन्द्र) ले पहल साउद ‘सन्तोष’ लाई अध्यक्ष र सिर्जना बुढालाई उपाध्यक्षको उम्मेदवार बनाएको छ । उम्मेदवारीसँगै चुनावी अभियानको तयारीमा रहेका साउद र बुढाले आफूहरुको उम्मेदवारी रामारोशन सदृद्धि र विकासको लागि भएको बताएका छन् ।
युद्ध पत्रकारिता हुँदै माओवादी केन्द्रको प्रदेश सदस्य र रामारोशन गाउँपालिकाको इन्चार्ज भएका सन्तोषले आफूले सबै पक्ष र व्यक्तिको त्याग बलिदानलाई उच्च सम्मान गर्ने बताए । उनले नयाँ ढंगले रामारोशनको विकास र जीवन स्तर उठान आफ्नो नेतृत्वमा माओवादी केन्द्रले युवाहरुको शसक्त टीम अघि सारेको बताए । युवा जोस जागरलाई रामारोशनबासीको हितमा प्रयोग गर्ने प्रतिबद्धता समेत उनले जनाए ।
“पालिकादेखि वडासम्मै युवा पंक्तिको नेतृत्व गर्दै अगाडि सारेका छौं । माओवादीबाट सबै उम्मेदवार रामारोशनको लागि योगदान गरेका र गर्न सक्ने युवाहरु नै छौं । रामारोशनबासीको लागि हामीले ज्यान दिएर जनयुद्धमा होमिएका थियौँ, संयोगले बाचेर फर्किएरका हौँ । एक पटक फेरि ज्यान दिन चुनावी मैदानमा होमिएका छौं, मतदताज्यूहरुले त्यो अबसर दिनुहुनेछ भन्ने विश्वास छ” साउदले भने ।
सानै उमेरमा जनयुद्धमा लागेका साउद शान्तिप्रक्रियापछि पत्रकारितमा पनि सक्रिय थिए । उनकै नेतृत्वमा अछाममा रेडियो जनप्रिय स्थापना भएको थियो । माओवादी केन्द्र निकट प्रेस सेन्टरको केन्द्रीय नेतृत्वसम्म पुगेका साउद पछिल्लो पटक पार्टी राजनीतिमा सक्रिय भएका थिए । हाल उनी रामारोशन गाउँपालिकाको इन्चार्ज समेत हुन् ।
त्यसैगरी माओवादी केन्द्रले उपाध्यक्षमा अगाडि सारेकी सिर्जना बुढा जनमुक्ति सेनाको कम्पनी कमाण्डर समेत भएर जनयुद्धमा महत्वपूर्ण भूमिका खेलेकी थिइन् । हेटौडा माइतीघर घर भएकी सिर्जना जनवादी विवाद गरेर रामारोशन पुगेकी थिइन् । सिर्जनाले रामारोशनबासीको एक पटक सेवा गर्ने भन्दा आफ्नो कुनै स्वार्थ नभएको बताइन् ।
