काठमाडौं । एक दिवसीय अन्तर्राष्ट्रिय क्रिकेट सिरिजमा नेपालका दिपेन्द्र सिंह ऐरीले पहिलो अर्धशतक प्रहार गरेका छन् । त्रिवि क्रिकेट मैदानमा भएको पपुवा न्युगिनी (पीएनजी) विरुद्धको खेलमा अर्धशतक प्रहार गरेका हुन् ।
टस जितेर पहिले ब्याटिङ गरेको नेपालका लागि ८४ बल बल खेलेका उनले ३ चौका प्रहार गरे । यसअघि नेपालका लागि देव खनालले एकदिवसीयमा पहिलो अर्धशतक प्रहार गरेका थिए । ७२ बल खेलेका उनले २ चौका र ३ छक्काको सहयोगमा ५२ रन बनाए ।
२८ ओभरको समाप्तिमा नेपालले २ विकेट गुमाएर १२५ रन बनाएको छ । नेपालले पहिलो ओभरको पहिलो बलमा पहिलो विकेट गुमाएको थियो । नेपालका कुशल भुर्तेल रोयल डक भएका हुन् । उनलाई अलेइ नोवाले क्यच आउट गराएका हुन् ।
नेपालले तेस्रो ओभारको पहिलो बलमा दोस्रो विकेट गुमायो । नेपालका अनिल शाह उनलार्ई नोवाले क्याच आउट गराए । शाहले मात्र १ रन बनाए ।
दीपेन्द्रको अर्धशतकसँगै पीएनजीलाई २७९ रनको चुनौती दिएको छ । नेपालले निर्धारित ५० ओभरमा ८ विकेट गुमाउँदै २७८ रन बनायो ।
