काठमाडौं । अभिनेत्री करिश्मा मानन्धरले नेकपा एमालेमा प्रवेश गर्न लागेकी छन् । माओवादी छोडेर बाबुराम भट्टराईले नयाँ शक्ति पार्टी बनाएसँगै राजनीतिमा प्रवेश गरेकी करिश्मा पछिल्ला दिनमा राजनीति गतिविधिबाट अलग भएकी थिइन् ।
भट्टराईले नयाँ शक्ति मधेसवादी पार्टीमा एकीकरण गरेसँगै निश्क्रिय बसेकी करिश्मा आज एमालेमा प्रवेश गर्न लागेकी हुन् । उनीसँगै तत्कालिन नयाँ शक्ति र संघिय समाजवादीतिर लागेका दर्जनभन्दा बढी नेता कार्यकर्ता पनि एमालेमा प्रवेश गर्न लागेका छन् ।
दिउँसो १ बजे करिश्मासहितका नेताहरु पार्टी प्रवेश गर्ने एमलेले जनाएको छ । उनीहरुलाई अध्यक्ष केपी शर्मा ओलीले स्वागत गर्ने तयारी भइरहेको छ ।
एमालेका एक नेताका अनुसार करिश्मा आफू जनयुद्ध लडेर आएको बाबुराम भट्टराई महान् ठानेर नयाँ शक्तिमा गएकाे तर पार्टी चलाउन नसक्ने देखेपछि आफू सक्रिय नभएको बताएकी छन् । उनले बाबुरामलाई आफूले राजनेता ठानेको तर उनमा त्यो कला र क्षमता देखेको समेत बताइन् ।
करिश्माले बाबुरामलाई नेताभन्दा पनि कार्यालय प्रमुख हुने क्षमता बढी रहेको बताएकी छन् ।
