काठमाडौं । आज देशभरको मौसम बदली भइरहेको छ । गएरातिबाट काठमाडौंसहित देशभर पानी परेको छ । उच्च पहाडी तथा हिमाली भेगका केही ठाउँमा हिमपात भएको छ ।
अहिले पनि केही ठाउँमा मेघ गर्जन र चट्याङ्गसहित पानी परिरहेको छ भने रातिबाट सुरु भएको केही ठाउँमा भने विहानैबाट पानी पर्न रोकिएको छ । मौसमविद्का अनुसार दिनभर हिमपात र पानी पर्नेछ ।
जल तथा मौसम पूर्वानुमान महाशाखाका अनुसार बेलुकीसम्म नै पानी पर्ने र रोकिने क्रम चलिरहने र भोलिदेखि पश्चिमी क्षेत्रबाट मौसममा सुधार हुनछ ।
पश्चिमी न्यूनचापीय प्रणालीको प्रभावले केही दिनदेखि भइरहको मौसम बद्ली आइतवारदेखिमात्रै सुधार महाशाखाले जनाएको छ । उच्च पहाडी तथा हिमाली भूभागका धेरै ठाउँमा हल्कादेखि मध्यम हिमपातको सम्भावना रहेकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउन पनि महाशाखाले आग्रह गरेको छ ।
