काठमाडौं । भारतीय सेनाको अत्याधुनिक युद्धपोतमा बि स्फोट भएको छ । भारतीय संचारमाध्यमहरुका अनुसार मुम्बईमा लडाकु पानीजहाजमा वि ष्फोट भएको हो । घटनामा परी ३ जना सुरक्षाकर्मीको ज्यान गएको छ भने ११ जना घाइते भएका छन् ।
समाचार एजेन्सी एएनआईका अनुसार ‘आईएनएस रणवीर’ नाम दिइएको युद्धपोतमा मंगलबार वि ष्फोट भएको हो । जहाजका चालक दलले स्थितिलाई तुरुन्तै सम्हालेर थप क्षति हुन नदिएको नौसेनाका अधिकारीहरुलाई उद्धृत गर्दै भारतीय मिडियाले उल्लेख गरेका छन् ।
अत्याधुनिक हतियार जडित युद्धपोतमा कसले र कसरी वि स्फोट भएको हो भन्ने भारतीय सेनाले छानविन गरिरहेको समाचारमा उल्लेख गरिएको छ ।
आईएनएस रणवीर युद्धपोतलाई भारतले सन् १९८६ को अक्टुबर २८ तारिखदेखि भारतीय नौसेनामा सामेल गरेको थियो । यो युद्धपोत अत्याधुनिक हतियार र सेन्सर जडित छ । यसबाट सतहबाट सतहमा र हावामा पनि मार हान्न मिल्ने मिसाइल जडान गरिएको छ । मिसाइल रोधी हतियार र पनडुब्बु रोधी रकेट लन्चर पनि जडान गरिएको छ ।
