काठमाडौं । आज राष्ट्रिय भूकम्प सुरक्षा दिवस । वि.सं. १९९० माघ २ गते दिउँसो २ : २४ बजे भूकम्प गएको सम्झनामा दिवस मनाइन्छ । दिवस मनाउन थालेको वर्ष भएको छ । आज देशभर २४ औँ राष्ट्रिय भूकम्प सुरक्षा दिवस मनाइँदैछ ।
दिवसको मुख्य नारा ‘भूकम्पीय सचेतना, सुरक्षित संरचना’ रहेको छ । भूकम्पले नभई कमजोर संरचनाले मानवीयलगायत क्षति गर्ने भएकाले भूकम्प प्रतिरोधी संरचना बनाउन नागरिकलाई चेतना जगाउने उद्देश्यले दिवस मनाउन थालिएको हो ।
नागरिकलाई चेतना जगाउन वि.सं. २०५५ देखि माघ २ गतेलाई राष्ट्रिय भूकम्प सुरक्षा दिवसका रूपमा मनाउन थालिएको भएपनि गत बैशाख १२ गतेको भूकम्पसम्म आउँदा पनि संरचना प्रतिरोधी थिएनन् । जसका कारण ठूलो जनधनको क्षति हुन पुग्यो ।
सरकारले दिवसका अवसरमा भूकम्पले भौतिक संरचना भत्काएको पाटन दरबार क्षेत्रमा विशेष कार्यक्रमको आयोजना गरेको छ । कार्यक्रममा निश्चित मानिस मात्र भौतिकरूपमा उपस्थित हुने र अरु सबैलाई भर्चुअल माध्यमबाट सहभागी हुन आह्वान गरिएको छ ।
कार्यक्रममा प्रधानमन्त्री शेरबहादुर देउवा, गृहमन्त्री बालकृष्ण खाँण र सहरी विकासमन्त्री रामकुमारी झाँक्रीले भर्चुअल माध्यमबाट सम्बोधन गर्ने कार्यक्रम छ ।
