काठमाडौं । भारतले चीनको अन्तर्राष्ट्रिय विमानस्थलको इन्जिनियरिङ चोरी गरेर विमानस्थल बनाएको छ । भारतले विश्वको चौथो ठूलो इन्टरनेशनल एयरपोर्ट भनेर दावी गरेको विमानस्थलको विहीबार मात्रै उद्घाटन गरेको छ ।
चीनको बेजिइङस्थित ड्याक्सिसङ अन्तर्राष्ट्रिय एयरपोर्टको इन्जिनियरिङ चोरी गरेर भारतले उत्तरप्रदेशको जेवन एयरपोर्ट बनाएको छ । उक्त एयरपोर्टको एक कार्यक्रमबीच प्रधानमन्त्री नरेन्द्र मोदीले उद्घाटन गरेका छन् । उद्घाटन गरेर फोटो सार्वजनिक भएपछि भारतले इन्जिनियरिङ चोरी गरेको पुष्टि भएको हो ।
भारतले सार्वजनिक गरेको फोटो ड्याक्सिङ एयरपोर्टको दुरुस्त छ । गूगलमा पनि जेवर जेवर एयरपोर्ट सर्च गरेपछि चीनको ड्याक्सिङको फोटो देखाउँछ । चीनले यसको विरोध जनाएको छ । चिनियाँ संचारमाध्यमहरुले भारतले आफ्नो इन्जिनियरिङ चोरी गरेको आरोप लगाएका छन् ।
चीनको सरकारी ग्लोबल टेलिभिजन नेटवर्कका अधिकारी शेन शेवेईले जेवार एयरपोर्टको नामबाट शेयर गरिएको फोटो भारतले आफ्नो विमान स्थलको इन्जिनियरिङ चोरी गरेको बताएका छन् ।
‘भारतीय सरकारी अधिकारीहरूले आफ्नो उपलब्धिको रूपमा चीनको बेइजिङ ड्याक्सिङ अन्तर्राष्ट्रिय विमानस्थलका तस्बिरहरू प्रयोग गरेको थाहा पाउँदा छक्क परेको छु’ शेनले फोटो शेयर गर्दै लेखेका छन् ।
यसबारे भारतले भने औपचारिक रुपमा केही बताएको छैन । जेवार एयरपोर्टको फोटो ड्याक्सिङ जस्तै देखिन्छ हुबहु देखिएपनि यसबारे भारतीय संचारमाध्यम मौन बसेका छन् । सार्वजनिक भएको फोटोजस्तै जेवार एयरपोर्ट बनाएकै हो भने भारतले चीनको बौद्धिक चोरी गरेको गरेको हुनेछ ।
यो फोटो मोदीले उद्घाटन गरेको जेवार एयरपोर्ट भन्दै भारतले सार्वजनिक गरेको हो । गूगलमा जेवार एयरपोर्ट टाइप गर्दा यो फोटो देखिन्छ ।
यो चीनको राजधानीमा रहेको ड्याक्सिङ एयरपोर्ट हो ।
