काठमाडौँ । उत्तर कोरियाले पनडुब्बीबाट मार हानिने एउटा नयाँ बलिस्टिक क्षेप्यास्त्रको सफलतापूर्वक परीक्षण गरेको पुष्टि गरेको छ । असअघि दक्षिण कोरियाले प्योङ्याङले आणविक क्षेप्यास्त्र प्रहार गरेको रिपोर्ट सार्वजनिक गरेको थियो ।
उत्तर कोरियाली समाचार संस्था केसीएनएले परीक्षण गरिएको क्षेप्यास्त्रमा नियन्त्रणसम्बन्धी उन्नत प्रविधिहरू भएको जनाएको छ । यसअघि सन् २०१६ मा एउटा परीक्षण गरिएको भेसलुबाटै पछिल्लो क्षेप्यास्त्रको परीक्षण गरिएको खबरमा उल्लेख छ । नेता किम जोङ क्षेप्यास्त्र परीक्षणका बेला उपस्थित नरहेको समाचारहरुमा उल्लेख गरिएको छ ।
जापानी तटदेखि पर समुद्रमा अस्त्रहरूको परीक्षण गरिएको देखिएको भन्दै जापानी प्रधानमन्त्री फुमिओ किशिदाले दुईवटा क्षेप्यास्त्र प्रक्षेपण गरिएको र एकदमै दुःखद कार्य भनेका थिए ।
केही पहिला मात्रै जनवादी गणतन्त्र कोरियाका सर्वोच्च नेता किम जोङ उनले अजेय सेना घोषणा गर्दै आफूहरुको लडाइँ जापान र दक्षिणसँग नभएर अमेरिकासँग भएको बताएका थिए । त्यसको केही दिनमै पनडुब्बीबाट मार हान्ने ब्यालेष्टिक क्षेप्यास्त्र परीक्षण गरेको हो ।
