काठमाडौँ । दक्षिण एशियाली राष्ट्रहरुको सबै भन्दा ठूलो फुटवल प्रतियोगीता साफ च्याम्पियनसिपको फाईनलमा नेपाल र भारतबीच उपाधिको लागि खेल हुने भएको छ । पहिलो पटक फाइनलमा पुगेका नेपालले सात पटकको बिजेता छिमेकी भारतलाई हराउँदै इतिहास रच्ने अबसर आएको छ ।
गएराति सम्पन्न लिग चरणको खेलमा भारतले आयोजक माल्दिभ्सलाई तीन एकले स्तव्ध पार्दै फाईनल पुगेको छ । नेपाल त्यस अघि नै बंगलादेशलाई रोक्दै फाईनल पुगेको थियो । भारतको ८ अंक छ भने नेपालको ७ अंक छ ।
नेपाल र भारतबीच फाईनल खेल शनिबार साँझ ८ः४५ बजे हुनेछ ।
बुधबार भएको आफ्नो समूह चरणको अन्तिम खेलमा माल्दिभ्सलाई ३–१ गोल अन्तरले हराउँदै भारत फाइनलमा प्रवेश गरेको थियो भने नेपालले बंगलादेशसँग १–१ को बराबरी खेल्दै फाइनल प्रवेश गरिसकेको थियो ।
नेपाल सन् १९९३ मा सुरू भएको साफ च्याम्पियनसिप फुटबलमा नेपाल यसअघि कहिल्यै फाइनलमा पुगेको थिएन । पहिलो शंस्करणमा तेस्रो भएको नेपालले २०१८ मा सेमिफाइनलसम्म यात्रा तय गरेको थियो ।
मालेस्थित नेशनल स्टेडियममा भएको खेलमा नेपालले नवौं मिनेटमा नै गोल खाएको थियो । कर्नरको बलमा सुमन रेजाले हेड गोल गर्दै बंगलादेशलाई सुरुवाती अग्रता दिलाएका थिए । पहिलो हाफमा नेपालले गोल फर्काउने प्रयास गरेपनि सफल भएन । दोस्रो हाफमा बंगलादेशले केही रक्षात्मक खेल खेल्यो ।
खेलको ८२औं टर्निङ प्वाइन्ट रह्यो । वान भर्सेस वानमा रहेका नेपाली खेलाडीलाई फल गरेपछि बंगलादेशी गोलरक्षक जिकोले रातो कार्ड पाए । १० खेलाडीमा झरेको बंगलादेश दबावमा आयो र अञ्जन विष्टलाई डिबक्स एरियामा नै लडाउन पुगे । नेपालले पेनाल्टी पायो, जसमा अञ्जनले सहजै गोल गरे ।
बराबरीसँगै ७ अंक जोडेको नेपाल फाइनलमा पुगेको छ भने बंगलादेश समूह चरणबाटै बाहिरिएको छ । अब उपाधिका लागि नेपालले भारत र माल्दिभ्स मध्ये एकसँग खेल्नेछ ।
यो दुई टोलीबीच समूह चरणकै अन्तिम खेल बुधबार हुनेछ । फाइनलमा स्थान बनाउन माल्दिभ्सलाई बराबरी भए पुग्छ भने भारतलाई जित्नै पर्ने दबाव छ ।
