News Portal

  • मलेसियासहित ६ देशमा हवाई उडान पुनः सुरु, १० दिन होटल क्वारेन्टिनको खर्च सरकार तिरिदिने

    डबली संवाददाता२०७८ असार ३ गते
    ९३ पटक

    काठमाडौं । कोरोना संक्रमणको दोस्रो लहरसँगै बन्द रहेका अन्तर्राष्ट्रिय उडान पुनः  सुरु गर्ने सरकारले निर्णय गरेको छ । तर मलेसियासहित ६ देशमा मात्रै उडान पुनः सुरु गर्न निर्णय सीसीएमसीले गरेको छ ।

    सरकारले नेपाली श्रमिक अधिक सङ्ख्यामा रहेका मलेसिया, टर्की, कतार, साउदी अरेबिया, युएई र जापानका लागि हवाई उडान पुनः सञ्चालन गर्ने निर्णय गरेको छ । प्रधानमन्त्री एवं कोभिड–१९ सङ्कट व्यवस्थापन केन्द्र (सीसीएमसी) का अध्यक्ष केपी शर्मा ओलीको अध्यक्षतामा बुधबार अबेर राति बसेको बैठकले निर्णय गरेको हो ।

    प्रधानमन्त्री निवास बालुवाटारमा भएको उक्त बैठकले उपयुक्त मुलुकमा सातामा दुई हजार यात्रुभन्दा नबढ्ने गरी उडान सञ्चालन गर्ने निर्णय गरेको छ । सीसीएमसीको उक्त निर्णय मन्त्रिपरिषद्बाट पारित भएपछि कार्यान्वयनमा आउनेछ ।

    संस्कृति, पर्यटन तथा नागरिक उड्डयन मन्त्रालयका सहसचिव एवं प्रवक्ता तारानाथ अधिकारीले सिसीएमसीले सिफारिश गरेको निर्णय मन्त्रिपरिषद्ले पारित गरेपछि मन्त्रालयमा लिखितरूपमा आएर कार्यान्वयनमा जाने जानकारी दिए।

    त्यसैगरी बैठकले वैदेशिक रोजगारीमा गएका तर विभिन्न कारणले होटल क्वारेन्टिनमा बस्न नसक्ने कामदारका लागि सहयोग रकम उपलब्ध गराउने निर्णयसमेत गरेको छ । कूल १५ दिन बस्नुपर्ने क्वारेन्टिनका लागि १० दिनसम्मको खर्च सरकारले व्यवस्थापन गर्ने पनि निर्णय भएको छ ।

    प्रतिकृया दिनुहोस्