काठमाडौं । काठमाडौँ उपत्यकामा निषेधाज्ञा एक हप्ता थप गरिएको छ । आइतबार तीनवटै जिल्लाका प्रमुख जिल्ला अधिकारीको बैठकले केही खुकुलो बनाउँदै निषेधाज्ञा एक हप्ता थप गरेको हो ।
जोरविजोर प्रणाली लागु गरेर सवारी साधान संचालन गर्न दिने भनिएपनि कोरोना भाइरसको जोखिम घटिनसकेकोले अहिले केही खुकुलो मात्रै गर्न सकिने बैठकले निष्कर्ष निकालेको छ । काठमाडौं, भक्तपुर र ललितपुरका प्रमुख जिल्ला अधिकारीको संयुक्त बैठकले असार ७ गतेसम्म निषेधाज्ञा लम्ब्याउने निर्णय गरेको छ ।
काठमाडौंका प्रमुख जिल्ला अधिकारी कालीप्रसाद पराजुलीका अनुसार थपिएको निषेधाज्ञामा खाद्यन्न तरकारी पसल विहान ११ बजेसम्म खुल्न पाइनेछ । अनलाइन डोम डेलिभरी सेवा पनि सञ्चालन हुनेछन् ।
त्यसैगरी पुस्तक पसल पनि विहान ११ बजेसम्म खोल्न पाइने भएको छ । असार १ गतेबाट शैक्षिक सत्र सुरु हुने बेला भएकाले पुस्तक पसल पनि खोल्न दिने निर्णय गरिएको छ ।
यसअघि बन्द रहेका हार्डवेयर पसल पनि खोल्न पाइने भएको छ । पराजुलीका अनुसार अपरान्ह ४ बजेपछि हार्डवेयर पसल पनि खोल्ने निर्णय भएको छ ।
