आज :

कोरोनाबाट नेकपा कैलालीका युवा नेता अरुणको मृत्यु, ज्यान गुमाउनेको सम्झनामा दीप प्रज्वलन

धनगढी । कोरोना भाइरस संक्रमणबाट नेपाल कम्युनिस्ट पार्टीका युवा नेता अरुण चौधरीको निधन भएको छ । विप्लव नेतृत्वको नेकपाका कैलाली जिल्ला सदस्य चौधरीको उपचारको क्रममा मंगलबार निधन भएको सेक्रेटरी दिपेन्द्र चलाउनेले जानकारी दिए ।

कोरोना संक्रमणपछि सेती प्रादेशिक अस्पतालमा उपचारको क्रममा चौधरीको निधन भएको हो । उपचारका सबै विधि प्रयोग गर्दा पनि बचाउन नसकिएको भन्दै सेक्रेटरी चलाउनले लगनशील र संघर्षशील एक नेताको निधनले जिल्ला पार्टीलाई क्षति पुगेको बताए । उनले मृतक चौधरीप्रति श्रद्धाञ्जली व्यक्त गर्दै परिवारलाई समवेदना दिएका छन् ।

यसैबीच चौधरीसहित कोरोनाबाट ज्यान गुमाउनेहरुको सम्झनामा नेकपा निकट युवा संगठन नेपाल कैलालीले चौधरीको सम्झनामा दीप प्रज्वलन गरेको छ । मंगलबार साँझ जिल्लाको घोडाघोडी नगरपालिकाको साडेपानी बाजारमा दीप प्रज्वलन गरेको थियो ।

संगठनका कैलाली अध्यक्ष पुष्प भट्ट, घोडाघोडी नगर इंचार्ज भरत शाह कैलाली जिला सदस्य श्याम सापकोटा नगर सचिव अर्जुन चौधरी, भुवन रमतेललगायत नेताहरुले चौधरीको सम्झनामा दीप प्रज्वलन गरेका थिए ।

त्यसैगरी कोरोना संक्रमणबाट आजसम्म नेपालमा ८ हजार भन्दा बढीले ज्यान गुमाइसकेका छन् । स्वास्थ्य तथा जनसंख्या मन्त्रालयका अनुसार मंगलबार थप १०८ जना संक्रमितले ज्यान गुमाएका छन् । योसँगै नेपालमा संक्रमणबाट ज्यान गुमाउनेको संख्या ८ हजार ९८ पुगेको छ ।

त्यसैगरी आज थप ५ हजार १५३ जनामा कोरोना भाइरस संक्रमण पुष्टि भएको स्वाथ्य तथा जनसंख्या मन्त्रालय जनाएको छ । पछिल्लो २४ घण्टामा १२ हजार ६५ पीसीआर परीक्षणमा ३ हजार ८७० र ५ हजार ६११ एन्टिजेन परीक्षणमा १ हजार २८३ जना गरी कुल ५ हजार १५३ जनामा संक्रमण पुष्टि भएको मन्त्रालयले जनाएको छ ।

योसँगै नेपालमा कोरोना संक्रमितको कुल संख्या ६ लाख ११ हजार ३०८ पुगेको छ । आज देशभरका विभिन्न अस्पताल तथा आइसोलेसन सेन्टरबाट ६ हजार ५७० जनाले कोरोना भाइरस जितेका छन् । योसँगै नेपालमा कोरोना जित्नेको संख्या ५ लाख ४५ हजार ३० पुगेको छ । देशभर सक्रिय संक्रमितको संख्या ८२ हजार ७३६ रहेको छ ।

अहिले कोरोना संक्रमणबाट निको हुने दर बढी छ । तर, ज्यान गुमाउनेको संख्या भने तल माथि भइरहेको छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal