काठमाडौं । कोरोना भाइरस संक्रमणबाट ज्यान गुमाउनेको संख्या ८ हजार नाघेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १०८ जनाको ज्यान गएको छ । योसँगै नेपालमा कोरोना संक्रमबाट ज्यान गुमाउनेको संख्या ८ हजार ९८ पुगेको छ ।
त्यसैगरी आज थप ५ हजार १५३ जनामा कोरोना भाइरस संक्रमण पुष्टि भएको स्वाथ्य तथा जनसंख्या मन्त्रालय जनाएको छ । पछिल्लो २४ घण्टामा १२ हजार ६५ पीसीआर परीक्षणमा ३ हजार ८७० र ५ हजार ६११ एन्टिजेन परीक्षणमा १ हजार २८३ जना गरी कुल ५ हजार १५३ जनामा संक्रमण पुष्टि भएको मन्त्रालयले जनाएको छ ।
योसँगै नेपालमा कोरोना संक्रमितको कुल संख्या ६ लाख ११ हजार ३०८ पुगेको छ । आज देशभरका विभिन्न अस्पताल तथा आइसोलेसन सेन्टरबाट ६ हजार ५७० जनाले कोरोना भाइरस जितेका छन् । योसँगै नेपालमा कोरोना जित्नेको संख्या ५ लाख ४५ हजार ३० पुगेको छ । देशभर सक्रिय संक्रमितको संख्या ८२ हजार ७३६ रहेको छ ।
अहिले कोरोना संक्रमणबाट निको हुने दर बढी छ । तर, ज्यान गुमाउनेको संख्या भने तल माथि भइरहेको छ ।
