काठमाडौँ । नेपालमा एकै दिन अहिलेसम्मकै धेरै ८ हजार भन्दा बढीले कोरोना जितेका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ६६३ जनाले कोरोना संक्रमणमुक्त भएका छन् ।
त्यसैगरी पछिल्लो २४ घण्टामा थप ६ हजार ६५३ जनामा कोरोना भाइरसको संक्रमण पुष्टि भएको छ । २० हजार ८१३ जनाको परीक्षण गर्दा पीसीआर विधिबाट ४६२४ जना र एन्टिजेन विधिबाट २ हजार २९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
शुक्रबारसम्म नेपालमा संक्रमितको संख्या ५ लाख ८१ हजार ५६० पुगेको छ । आजसम्म सक्रिय संक्रमितको संख्या ९७ हजार ६९९ रहेको छ । सक्रिय संक्रमितमध्ये ९० हजार ८९२ जना होम आइसोलेसनमा, ६ हजार ८०९ जना संस्थागत आइसोलेसनमा। १ हजार ४२२ जना आईसीयू तथा ४०४ जना भेन्टिलेटरमा रहेको मन्त्रालयले जनाएको छ ।
आजसम्म नेपालमा ४ लाख ७६ हजार १३० जनाले कोरोनालाई पराजित गरेर सामान्य जीवनमा फर्किएका छन् । नेपालमा निको हुने दर ८१.९ प्रतिशत रहेको छ ।
त्यसैगरी आज थप १०१ कोरोना संक्रमितले उपचारको क्रममा ज्यान गुमाएका छन् । योसँगै नेपालमा ७ हजार ७३१ जनाले कोरोना संक्रमणबाट ज्यान गुमाएका छन् ।
