News Portal

  • विनोद चौधरीको बियर प्लान्टमा आगलामी, आगो नियन्त्रण बाहिर

    डबली संवाददाता२०७८ जेढ १९ गते
    ८८ पटक

    काठमाडौँ । चौधरी ग्रुपको बियर प्लान्टमा आगलामी भएको छ । पूर्वी नवलपरासीको देवचुली नगरपालिका–२ दुम्कौलीस्थित विनोद चौधरीको ‘चौधरी उद्योग ग्राम’ परिसरमा रहेको नेपाल आइस बुरअरीको बियर प्लान्टमा आगलागी भएको हो । सँगै गरहेको गोदाममा पनि आगलागी भएको नवलपुर प्रहरीले बताएको छ ।

    बुधबार विहान ९ बजेदेखि लागेको आगो अहिलेसम्म नियन्त्रणमा आउन सकेको छैन । आगो निभाउन पूर्वी नवलपरासी, चितवन र नेपाली सेनाका गरी ६ वटा दमकलले प्रयास गरिरहेका छन् ।

    आगो निभाउन सबै सुरक्षा निकायका सुरक्षाकर्मीसहित स्थानीय पनि खटिएको प्रहरी उपरीक्षक मल्ले बताए । गोदामको ठूलो भवनलाई भत्काएर आगो निभाउने प्रयास भइरहेको छ । आगो निभाउन प्रयास भइरहेकाले क्षतिको विवरण आउन नसकेको प्रहरीले जनाएको छ ।
    गोदाभित्र रहेका सबै बियर नष्ट भएकाले करडौंको क्षति भएको हुनसक्ने अनुमान गरिएको छ । आगलागी विद्युत सर्टका कारण भएको बताइएको छ ।

    चौधरी ग्रुपका सहायक प्रबन्धक सुवास देवकोटाले कार्टुन गोदामबाट आगो सुरु भएर मुख्य भवनमा सरेको बताए । उनका अनुसार चारवटा दमकलले आगो नियन्त्रणका लागि गरेको प्रयास सफल भएको छैन । सेना र प्रहरी आगो नियन्त्रणमा खटिएका छन् ।

    चौधरी उद्योग ग्राम देवचुलीका प्रशासन प्रमुख दामोदर पौडेलका अनुसार उद्योग परिसरमा रहेको बियर प्लान्टको गोदाम र बोटलिङ क्षेत्रमा आगलागी भएको हो । ब्रुअरीले नेपाल आइस बियरलगायतका बियर उत्पादन गर्दै आएको छ ।

    आगो नियन्त्रणमा आउन नसकेकोले कति क्षति भयो भन्ने कुरा यकिन हुन नसकेको प्रहरीले बताएको छ ।

    प्रतिकृया दिनुहोस्