काठमाडौं । नेपालमा पछिल्लो २४ घन्टामा ८ हजार ६०७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २३ हजार २२६ नमूनामध्ये ८ हजार ६०७ जनामा कोरोना संक्रमण देखिएको हो ।
आज २२ हजार ३५३ जनाको पीसीआर विधिबाट र ८७३ जनाको एन्टिजेन परीक्षण गरिएको मन्त्रालयले जानकारी दिएको छ । यससँगै देशभर कोरोना संक्रमितको कुल संख्या ४ लाख ९७ हजार ५२ पुगेको छ भने निको हुनेको संख्या ३ लाख ७४ हजार ८३६ पुगेको छ ।
आज संक्रमण दर घटेको र निको हुनेदर बढेको छ । मन्त्रालयका अनुसार शुक्रबार अहिलेसम्मकै धेरै ७ हजार ८९० जना कोरोनामुक्त भएका छन् । निको हुने भन्दा संक्रमित ७१७ जना मात्रै बढी छन् ।
यस्तै पछिल्लो २४ घन्टामा कोरोना भाइरसबाट १७७ जनाको ज्यान गएको छ । यो सहित कोरोनाबाट ज्यान गुमाउनेको संख्या ६ हजार २४ पुगेको छ । बिहीबार मात्र १९० जनाको कोरोना संक्रमितको ज्यान गएको जियो ।
हालसम्म १ लाख १६ जहार १९२ जना कोरोनाका सक्रिय संक्रमित रहेको मन्त्रालयले जानकारी दिएको छ । जसमध्ये ९१२ जना क्वारेन्टाइमा रहेको मन्त्रालयले जनाएको छ ।
