काठमाडौं । काठमाडौँ उपत्यकामा जारी निषेधाज्ञा थप गरिएको छ । जिल्ला कोभिड–१९ संकट व्यवस्थापन केन्द्र (डीसीसीएमसी), काठमाडौंले उपत्यकामा थप १५ दिन निषेधाज्ञा गर्न सिफारिस गरेको छ ।
काठमाडौंका मेयरहरुसँग सोमबार भएको छलफलपछि थप १५ दिन निषेधाज्ञा आदेश थप गर्न सिफारिस भएको हो ।
निषेधाज्ञा थप गर्न सीसीएमसीमा पठाएर निर्णय हुने काठमाडौंका प्रमुख जिल्ला अधिकारी कालीप्रसाद पराजुलीले संचारमाध्यमलाई जानकारी दिएका छन् । निषेधाज्ञा थप गर्ने विषयमा भोलि मंगलबार काठमाडौं, भक्तपुर र ललितपुरका प्रमुख जिल्ला अधिकारीहरुको बैठक बस्दैछ ।
उपत्यकामा १६ गतेदेखि निषेधाज्ञा जारी गरिएको थियो । पछिल्लो पटक थप भएको अवधि २९ गते सकिँदैछ ।
यसैबीच प्रधानमन्त्री केपी शर्मा ओलीले आजै साँझ ५ बजे मन्त्रिपरिषद बैठक बोलाएका छन् । मन्त्रिपरिषदबाट कोरोना नियन्त्रणको लागि थप निर्णय हुने बताइएको छ । ओलीले संसद अधिवेशन आजै अन्त्य मन्त्रिपरिषद् बैठकबाट गर्ने अनुमान गर्नेछन् ।
नेकपा एमालेको माधवकुमार नेपाल पक्षले सोमबार संसद बैठकमा अनुपस्थित हुने निर्णय गरिसकेकाले प्रधानमन्त्रीले विश्वासको मत नपाउने निश्चित छ ।
