News Portal

  • प्रधानमन्त्रीविरुद्ध अविश्वास प्रस्तावको दर्ता गर्ने माओवादी केन्द्रको तयारी

    डबली संवाददाता२०७८ बैशाख २७ गते
    १३३ पटक

    काठमाडौं । नेकपा (माओवादी केन्द्र) ले प्रधानमन्त्री केपी शर्मा ओलीलाई विश्वासको मत नदिने निर्णय गरेको छ । सोमबार विहान बसेको संसदीय दलको बैठकले ओलीको विपक्षमा मतदान गर्ने निर्णय गरेको हो ।

    त्यसैगरी माओवादी केन्द्रले संसद अधिवेशनलाई आजै अन्तय गर्न नहुने समेत बताएको छ । माओवादी केन्द्रका सांसद देवेन्द्र पौडेलका अनुसार अधिवेशनलाई अविश्वासको प्रस्तावसम्म पु¥याउने निर्णय गरेको छ ।

    प्रधानमन्त्री ओली स्पष्ट रुपमा अल्पमतमा परिसकेको हुनाले राजिनामा दिनु पर्ने माओवादी केन्द्रका नेताहरुले बताएका छन् । संसद बैठकमा ओलीले राजिनामा नदिए आजै संसद सचिवालयमा अविश्वास प्रस्ताव दर्ता गर्ने तयारी भइरहेको छ ।

    माओवादी केन्द्रले प्रधानमन्त्रीको ओलीको प्रस्तावको विपक्षमा मतदान गर्न सबैलाई आग्रह समेत गरेको छ । बैठकपछि नेपाली काँग्रेसका सभापति शेरबहादुर देउवा र माओवादी अध्यक्ष प्रचण्डबीच भेटवर्ता समेत भएको छ ।

    प्रधानमन्त्री ओलीले विश्वासको मत नपाएपनि संसद बैठक आजै अन्त्य गर्ने सरकारको तयारी छ । माधव कुमार नेपला समूहले बैठक बहिस्कार गर्ने निर्णय र जनता समाजवादी पार्टीले सांसदलाई स्वतन्त्र छोडेसँगै ओलीले विश्वासको मत नपाउनु निश्चित जस्तै भएको छ । तर, नेपाल समूह र ओली पक्षीय नेताहरुबीच अझै वार्ता जारी रहेकोले अन्तिममा सहभागी हुने सम्भावना पनि छ ।

    एमालेको पूरै मत गएपनि अझैं १५ सांसद आवश्यक हुन्छ । जसपाका १५ सांसदले ओलीलाई मत हाले विश्वासको मत पुग्ने देखिन्छ । तर, त्यो सम्भावना निकै कम रहेको बताइन्छ ।

    निर्धातिर समयभन्दा केही ढिला गरी सुरु भएको संसदको विशेष अधिवेशन सुरु भएको छ । सभामुख अग्नी सापकोटाले आफ्नो अनुपस्थितिमा सभामुखका कार्यभार समाल्ने सांसदहरुको नाम पढेर सुनाएका छन् । उनले प्रधानमन्त्री केपी शर्मा ओलीले संसदमा आफूलाई विश्वासको मत छ भन्ने पुष्टि गर्न संसद सचिवालयमा सूचना पेस गरेको जानकारी समेत सापकोटाले गराएका छन् ।

    सभामुख सापकोटाले संसद बैठक १५ मिनेटको लागि स्थगित गरिएको जानकारी गराएका छन् ।

    • फाइल फोटो
    प्रतिकृया दिनुहोस्