News Portal

  • ४७ जिल्लामा निषेधाज्ञा जारी, रोल्पामा भोलिबाट

    डबली संवाददाता२०७८ बैशाख २१ गते
    १८३ पटक

    काठमाडौँ । कोरोना भाइरस संक्रमणलाई नियन्त्रण गर्न नेपालमा धेरै जिल्ला र क्षेत्रामा निषेधाज्ञा जारी गरिएको छ । शहरी जिल्लामा पाँच संक्रमित र पहाडी जिल्लामा २ सय भन्दा धेरै संक्रमित भए निषेधाज्ञा जारी गर्ने अधिकारी स्थानीय प्रशासनलाई दिइएको छ ।

    कोरोना भाइरस संक्रमण बढ्दै गएपछि अहिले ४५ जिल्लामा निषेधाज्ञा जारी गरिएको छ । सोमबार नुवाकोट, कपिलवस्तु, धनुषा, दैलेख, डोल्पा, डोटी र नवलपरासी पूर्वमा निषेधाज्ञा सुरु भएको गृह मन्त्रालयले जनाएको छ । आजबाट बाजुरा र महोत्तरीमा पनि निषेधाज्ञा जारी गरिएको छ । योसँगै निषेधाज्ञा जारी भएका जिल्लाको संख्या ४७ पुगेको छ ।

    अन्य जिल्लामा यस्तै यहाँ पनि अत्यावश्यक बाहेकका सेवा र आवतजावत बन्द गरिएको छ । त्यस्तै, झापा र सुनसरीमा गाडीमा जोरबिजोर प्रणाली लागू भएको छ । भोलिबाट रोल्पासहित थप केही जिल्लाहरुमा निषेधाज्ञा जारी हुने भएको छ ।

    कोरोना संक्रमणको हटस्पट बन्दै गएको काठमाडौं उपत्यकाका जारी निषेधाज्ञालाई थप कडा बनाउन आवागमन नियन्त्रण सम्बन्धी आदेश जारी गरिने भएको छ । सङ्क्रमण तीव्र बन्दै गइरहेको र निषेधाज्ञा उल्लङ्घन भएको भन्दै थप कडाइ गर्न आदेश जारी गर्न लागिएको जिल्ला प्रशासन कार्यालय भक्तपुरले जनाएको छ ।

    काठमाडौँमा आजबाट थप कडाई गर्ने तयारी प्रशासनले गरेको छ । सोमबार काठमाडौँका कोटेश्वारलगायतका क्षेत्रमा जाम बढेपछि स्थानीय प्रशासनको आलोचना भइरहेको छ ।

    प्रधानमन्त्री केपी शर्मा ओलीले सोमबार देशबासीको नाममा सम्बोधन गर्दै नागरिकको जीवन रक्षा पहिलो सर्त भएको भन्दै निषेधाज्ञा थप कडाई गर्ने संकेत गरेका थिए । ओलीले स्वास्थ्य मापदण्ड पालन गर्न पनि अपील गरेका थिए ।

    प्रतिकृया दिनुहोस्