काठमाडौँ । कोरोना भाइरस संक्रमण बढ्दै गएपछि सरकारले आजबाट आन्तरिक हवाई उडान पनि बन्द गर्ने निर्णय गरेको हो । आइतबार मन्त्रिपरिषद् बैठकले आज राति १२ बजेबाट आन्तरिक हवाई उडान बन्द गर्ने निर्णय गरेको थियो ।

कोरोना संक्रमण नियन्त्रण गर्न काठमाडौँ उपत्यकासहित तीन दर्जन जिल्लामा निषेधाज्ञा जारी भइसकेको छ । हवाई उडानमा स्वास्थ्य मापदण्ड पालना नभएको र भिडभाड भएको भन्दै आलोचना भइरहेको बेला आइतबार मन्त्रिपरिषद् बैठकले आजबा आन्तरिक हवाई उडान बन्द गर्ने निर्णय गरेको हो ।

त्यसैगरी बैशाख २२ गतेबाट अन्तर्राष्ट्रिय उडान पनि बन्द गर्ने पनि सरकारले आजै निर्णय गरेको छ । यसअघि सीसीएमसीले आन्तरिक र बाह्य उडान बन्द गर्न सरकारलाई सिफारिस गरेको थियो । आइतबार मात्रै नेपालमा अहिलेसम्मकै सबन्दा उच्च कोभिड संक्रमित भेटिएका छन् ।