News Portal

  • सुर्खेतमा भोलिबाट एक हप्ताको लागि निषेधाज्ञा जारी

    डबली संवाददाता२०७८ बैशाख १३ गते
    ६३ पटक

    सुर्खेत । कोरोना संक्रमण बढ्दै गएपछि सुर्खेतमा एक हप्ताको लागि निषेधाज्ञा जारी गरिएको छ । कर्णाली प्रदेशका राजधानी समेत रहेको सुर्खेतमा भोलि अर्थात मंगलबार रातिबाट लागु हुने गरी निषेधाज्ञा जारी गरिएको हो ।

    जिल्ला कोरोना संकट व्यवस्थापन समितिले मंगलबार राति १२ बजेदेखि निषेधाज्ञा लागू गर्ने निर्णय गरेको सुर्खेतका प्रमुख जिल्ला अधिकारी छविलाल रिजालले संचारमाध्यमलाई जानकारी दिएका छन् ।

    भारतमा कोरोना बढेसँगै घर फर्किनेको भिड बढेकोले सुर्खेतमा संक्रमित बढेको बताइएको छ । स्वास्थ्य तथा जनसंख्या मन्त्रालयका अनुसार आइतबारसम्म ३०० बढी सक्रिय कोरोना संक्रमित रहेका छन् ।

    नेपालमा कोरोना संक्रमण नियन्त्रण बाहिर जान सक्ने विज्ञहरुले चेतावनी दिएका थिए । तर, सरकार र नागरिक दुबैले स्वास्थ्य मापदण्डको पालना नगरेपछि अहिलेको अवस्था सिर्जना भएको हो । आजमात्रै बाँकी र बर्दियामा निषेधाज्ञा जारी भइसकेको छ ।

    काठमाडौँ उपत्यकाका तीनै जिल्लाका प्रमुख जिल्ला अधिकारीको बैठकले निषेधाज्ञा जारी गर्ने अवस्था आएको निष्कर्ष निकालेका छन् । तर, निषेधाज्ञा वा लकडाउन गर्नेबारे माथिल्लो नकिालेले निर्णय गर्नुपर्ने निष्कर्ष निकालेका छन् ।

    प्रतिकृया दिनुहोस्