News Portal

  • कोरोनाका बिरामीलाई अक्सिजन आपूर्तिमा अवरोध गर्नेलाई झुण्ड्याउन अदालतको आदेश

    डबली संवाददाता२०७८ बैशाख १२ गते
    ६१ पटक

    काठमाडौँ । भारतमा कोरोना संक्रमित बढेसँगै अस्पताल भरिएका छन् । बिरामीलाई अक्सिजनको अभाव भइरहेको छ । दिल्लीमा अक्सिजनकै अभावका कारण बिरामीको ज्यान जान थालेपछि अबरोध भएको भन्दै अदालतमा रिट गरिएको थियो ।

    रिटमाथि सुनुवाई गर्दै अदालतले अक्सिजन आपूर्तिमा अवरोध गर्नेलाई झुण्ड्याएर मृ.त्युदण्ड दिन आदेश दिएको छ । दिल्लीस्थित महाराजा अग्रसेन अस्पताले गम्भीर बिरामीलाई भइरहेको अक्सिजन कमीलाई लिएर अदालतमा रिट दायर गरेपछि झुण्ड्याउन आदेश दिएकोे भारतीय संचारमाध्यमहरुले समाचार सम्प्रेशण गरिरहेका छन् ।

    न्यायाधीश विपिन सांघी र रेखा पल्लीको बेञ्चको आदेशमा अक्सिजन आपूर्तिमा अवरोध गर्नेलाई कुनै माफी दिन नसकिने उल्लेख छ ।

    सुनुवाइका क्रममा केन्द्र सरकारले दिल्लीमा दैनिक ४ सय ८० मेट्रिक टन अक्सिजन आपूर्ति गर्ने आश्वासन कहिले पूरा हुन्छ भन्ने प्रश्न गरेको छ । दिल्लीका धेरैजसो अस्पतालमा अहिले तरल अक्सिजनको ठूलो अभाव छ । जसका कारण कोरोनाका गम्भीर बिरामी मारमा परेका छन् ।

    दिल्लीको जयपुर गोल्डेन अस्पतालमा हिजो अक्सिजनको कमीका कारण २० जना कोरोनाका बिरामीको मृत्यु भएको थियो । सरकारी र निजी अस्पतालहरू दुवैले अक्सिजनका लागि हारगुहार गरिरहेका छन् । देशभर संक्रमितको संख्या तीव्र गतिमा बढिरहँदा अस्पतालमा शय्याको पनि अभाव भइरहेको छ ।

    मानिसहरूले संक्रमित आफन्त तथा साथीहरूका लागि अस्पतालमा शय्या, जीवनदायी औषधि, अक्सिजन र प्लाज्माका लागि याचना गरिरहेको भारतीय सञ्चारमाध्यमहरूले जनाएका छन् । आपत्कालीन कक्षका साथै वार्डहरू पनि बिरामीले खचाखच भरिएको समाचारमा उल्लेख छ ।

    भारतमा पछिल्ला केही दिनयता संक्रमितको संख्याले दैनिक नयाँ रेकर्ड कायम गरिरहँदा आज तेस्रो दिन थप ३ लाख ४५ हजार १४७ जनामा संक्रमण पुष्टि भएको छ ।

    प्रतिकृया दिनुहोस्