News Portal

  • रुसीमाथि बाइडनले लगाए प्रतिबन्ध

    डबली संवाददाता२०७८ बैशाख ३ गते
    ७३ पटक

    काठमाडौं । अमेरिकी राष्ट्रपति जो बाइडनले रुसमाथि प्रतिबन्ध घोषणा गरेका छन् । साइबर आ क्रमण र शत्रुतापूर्ण व्यवहार गरेको आरोप लगाउँदै बाइडनले रुसी संस्था र अधिकारीहरुमाथि प्रतिबन्ध लगाएको अन्तर्राष्ट्रिय संचारमाध्यमहरुलले जनाएका छन् ।

    गत वर्षको चर्चित ‘सोलारविन्ड्स’ नामक ह्याकिंगमा रुसी जासुसीको हात रहेको आरोप अमेरिकाले लगाएको छ । यस्तै सन् २०२० को राष्ट्रपति निर्वाचनमा पनि रुसले हस्तक्षेप गरेको आरोप अमेरिकाको छ ।

    युरोपेली संघ, नेटो र बेलायतले अमेरिकाले रुसमाथि लगाएको प्रतिबन्धको समर्थन गरेका छन् । यद्यपि रुसले अमेरिकाले लगाएका आरोपहरु अस्वीकार गर्दै त्यसको प्रतिउत्तर दिने जनाएको छ । रुसी विदेश मन्त्रालयले प्रतिबन्धको निर्णय खतरनाक भन्दै त्यसले तनाव बढाउने उल्लेख गरेको छ ।

    यसअघि गत महिना रुसी राष्ट्रपति भ्लादिमिर पुटिनका कट्टर आलोचक एलेक्सी नाभाल्नीलाई विष दिएर मार्न खोजेको आरोपमा अमेरिकाले सात जना रुसी अधिकारी र एक दर्जन बढी संस्थाहरुलाई पनि प्रतिबन्ध लगाएको थियो ।

    प्रतिकृया दिनुहोस्