काठमाडौं । काठमाण्डौ उपत्यकासहित देशभरको मौसम बदली भएको छ । मौसम पूर्वानुमान महाशाखाका अनुसार अहिले काठमाडौंमा आंशिक बदली भइरहेको छ भने दिउँसोसम्म हल्का वर्षा हुने सम्भावना रहेको छ ।
महाशाखाका मौसमविद् शान्ति कँडेलका अनुसार पश्चिमी वायुको प्रभावकै कारण देशभरको मौसम आंशिकदेखि सामान्य बद्ली भएको बताइन् । आज हिमाली जिल्लामा हिमपात र पहाडी केही जिल्लामा हल्का वर्षा हुने अनुमान महाशाखाले गरेको छ ।
मौसम सफा हुन केही लाग्ने छ । घाम नलागेपनि धेरै चिसो भने नहुने महाशाखाले जनाएको छ । पहाडी र हिमाली क्षेत्रमा विस्तारै चिसो हट्दै गएको छ भने तराईका जिल्लामा विहान चिसो भएपनि दिउँसो भने गर्मी हुन थालेको छ ।
आज काठमाण्डौको न्यूनतम तापक्रम ८ डिग्री सेल्सियस मापन गरिएको छ भने अधिकतम तापक्रम २० देखि २२ डिग्री सेल्सियससम्म पुग्ने अनुमान गरिएको छ ।
