News Portal

नेपालमा कोरोना संक्रमितको संख्या एकसय भन्दा कम, मृत्यु शून्य

डबली संवाददाता२०७७ माघ २५ गते
५१ पटक

काठमाडौँ । नेपालमा कोरोना भाइरसबाट संक्रमित हुनेको संख्या एकसयभन्दा कम भएको छ । स्वास्थ्य तथा जनसंख्या मन्त्रालयका अनुसार दैनिक संक्रमितको संख्या एकसय भन्दा कम भएको हो । मन्त्रालयका अनुसार शनिबार ९९ जना संक्रमित भएका छन् ।

स्वास्थ्य तथा जनसंख्या मन्त्रालयका अनुसार २ हजार ७ सय ९४ जनाको पिसिआर परीक्षण गर्दा ५७ जना पुरुष र ४२ जना महिलामा संक्रमण देखिएको थियो । योसहित हालसम्म संक्रमित हुनेको कुल संख्या २ लाख ७१ हजार ८ सय ६ पुगेको छ ।

पछिल्लो २४ घण्टामा २ सय ४८ जना निको भएर फर्किएका छन् । योसहित कोरोनाबाट निको हुनेको कुल संख्या २ लाख ६७ हजार ८१२ पुगेको छ । पछिल्लो २४ घण्टामा कोरोना संक्रमणका कारण कसैको पनि मृत्यु नभएको मन्त्रालयले जनाएको छ ।

यस्तै, देशभर ९५ जना क्वारेन्टाइनमा रहँदा ७५ जना कोरोना संक्रमित अस्पतालको आइसियू र भेन्टिलेटरमा छन् । ६१ जना आइसियू र १४ जना भेन्टिलेटरमा रहेको मन्त्रालयले जनाएको छ ।

प्रतिकृया दिनुहोस्