काठमाडौं । राजधानी काठमाडौँसहित देशका विभिन्न स्थानमा हिमपात र वर्षा भएको छ । पश्चिमी न्यून चापीय प्रणालीका कारण भएको मौसम बदलीसँगै काठमाडौँ उपत्यकाका चन्द्रगिरी, लेले, नागार्जुनलगायतका क्षेत्रमा हिमपात भएको छ ।
मौसम पूर्वानुमान महाशाखाकी मौसमविद् सजीना शाक्यका अनुसार काठमाडौँ उपत्यकामा अझैं केही दिन वर्षा हुने सम्भावना रहेको छ ।
महाशाखाका अनुसार शनिबार देशका अधिकांश क्षेत्रमा सामान्य वर्षा भएको छ भने केही क्षेत्रमा वर्षा भएको छ ।
महाशाखाका अनुसार बाग्मती, गण्डकी, लुम्बिनी र प्रदेश १ मा वर्षा भएको छ । कर्णाली र सुदूरपश्चिम प्रदेशमा आंशिक बदली भएको छ । शनिबार साँझबाट बागमती प्रदेशका केही क्षेत्रमा वर्षा भइरहेको महाशाखाले जनाएको छ ।
हिमपात र वर्षा भएपछि किसानहरु खुशी भएका छन् ।